Rev. Dr. David Van Bik

Posted on

L.Th., B.Th., M.A., D.D.

28 July 1926, Tlangpi, Thantlang ah Pu Chawn Tur le Pi Renh Òial nih an hrin. Chuahpi unau pathum lakah upa bik a si. A ngakchiat lio ah mi ralchia le mi thapthar lo ngai a si. Tlangpi ah Laica tangli a dih i Falam High School ah tangruk tiang a kai. Japan ral ruangah sianginn an khar caah ral a dih tiang Mirang cozah kuttang ah cazi a òuan.
1949 kum Cherrypoonjee, India ah kum thum chung Diploma in Theology course a kai. 1949 March ah Serampur Matriculation a awng. 1955 ah Burma Divinity School, Insein (MIT) in B.Th. a dih. Laimi lakah B.Th. a hmu hmasa bik a si. 1956 kum ah Pi Zo Kai he an i um i fapa pali le fanu pakhat an ngei. 1957 kum April ah Bual Khua i Pu Cong Kham Golden Jubilee ah ZBC nih Ordination an pek. 1959 ah Brekeley Baptist Divinity School, California in M.A. a dih. 1985 ah Print Media Training cu Oxford University ah thlaruk chung a kai. 1989 New Haven, U.S. ah mission rianòuannak kong thlariat chung a cawng. 1994 ah American Baptist Seminary of the West nih Doctor of Divinity an pek. Hakha Baibal Sianginn ah kum ruk le Falam Baibal Sianginn ah kum li saya a òuan.
1963 April, Hakha ah a òhial i Lai Baibal cu Rev. Johnson he leh hram an thawk. Rev. Johnson te cu Kawlram in chuah ding a si cang caah 1966 June, Laitlang i an chuah hlan ah Genesis in Psalm tiang le Isaiah hi an lim. Siangbawite an kal hnu cun amah nih a leh i 1976 ah a lim. 1978 ah cauk in a chuak kho. Calei rianòuannak in kan holh le kan ca a nun khawh nakhnga ti saduhthat in cauk 30 leng a kan leh/òial piak. 1979-86 kum Hakha Council of Churches ah chung a òuan pah in ca a òial pah lengmang. 1986 ah English-Chin dictionary a chuah.
1987 ah HBA nih dawtnak in pension an pek nain kan Laimi nih kan bochanmi le kan hngatchanmi a si bantuk in 1990-96 CCC Principal a òuan i 1997 kum ah pension an pek. CACC le UBS hnatlaknak in 1996-98 kum ah Lai Baibal remhòhannak le tharchuahnak an ngei i 1999 ah Lai Baibal tharchuahmi cu an chuah khawh. Chin-English Dictionary cu tlamtlingte le òha deuh in tuah a timh caah bawmh hal duh le tule fa tlawn pah ah 1999 July ah a nupi he America ah an kal. Dictionary a tuah liopi ah hnar khensar in a zaw i sizung a phan. Sibawite nih an thlop i a hun dam deuh in a rian cu a vun pehzulh òhan i, a lim ta manh.
2000 August 19, zinglei 9:05 am ah Exederick Memorial Hospital, Marry Land ah a nunank thaw a dih.
A khawmtu: Van Lian Hup & Sang Za Thang

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s